講起乳癌，好多人都以為只有一種類型。其實乳癌有唔同分類，包括最常見嘅荷爾蒙受體陽性乳癌、HER2受體陽性乳癌，以及治療難度較高嘅三陰性乳癌。Bob Lam林盛斌就同臨床腫瘤科專科張文龍醫生詳細探討三陰性乳癌嘅成因、特點同治療方法，張文龍醫生仲話，一般三陰性乳癌嘅癌細胞生長分裂得特別快，所以過往一直都好難醫。不過隨著唔同的研究結果發現，患者可以透過化療配合免疫療法去提升治療效果，所以而家三陰性乳癌患者都唔駛太擔心喇！