【大腸癌關注月系列︰口服vs.注射化療】

化療可以分為口服藥物及注射藥物，適用於第2期高風險、第3期術後治療以及所有第4期大腸癌患者。兩者喺療效上並無太大分別，患者決定選擇邊種治療方案之前，不如先了解一下佢哋嘅分別？

注射化療係將藥物透過靜脈注射到身體內，傳統注射方法需要住院3日2夜，療程為2個星期一次，並非太過方便。隨住醫學發展，患者可以透過使用「便攜式輸液泵」將藥物帶回家中自行注射，不過需要預先將導管置入患者手臂或胸部靜脈，帶同藥物及輸液泵回家使用便可。整體而言，可以慳到住院時間之餘，亦能減低心理負擔。

口服化療藥物則帶來更大方便，唔需要住院及自行注射，透過口服藥物依時服用，已可帶來化療效果，不過相應藥物會有若干副作用，例如肚瀉及皮膚紅腫。至於點揀，其實要視乎患者病情及身體狀況，才能作出最合適嘅治療選擇。

以上內容僅供參考，所有預防及治療方法都有不同的成效、副作用及風險。如有懷疑，請向主診醫護人員查詢。